શ્રી ત્રાગડ સોની પ્રગતિ મંડળ, સુરત દ્વારા આયોજિત સમૂહ યજ્ઞોપવિત (જનોઈ) સંસ્કાર તથા વાર્ષિક મિટિંગ ભવ્યાતિભવ્ય રીતે સફળતાપૂર્વક સંપન્ન

શ્રી ત્રાગડ સોની પ્રગતિ મંડળ, સુરત દ્વારા સમાજમાં ધાર્મિક સંસ્કારોનું જતન, સમાજમાં એકતા અને સાંસ્કૃતિક પરંપરાઓના સંવર્ધનના શુભ હેતુસર તા. ૭-૫-૨૦૨૬ ના રોજ સુરત ખાતે આવેલ સુરતી મોઢ વણિક વાડીમાં સમૂહ યજ્ઞોપવિત (જનોઈ) સંસ્કાર તથા મંડળની વાર્ષિક મિટિંગનો ભવ્ય અને ગૌરવસભર કાર્યક્રમ સફળતાપૂર્વક યોજાયો હતો. આ પવિત્ર અને ધાર્મિક પ્રસંગે ત્રાગડ સોની સમાજના કુલ ૧૨ બટુકોને વૈદિક મંત્રોચ્ચાર, પૂજ્ય આચાર્યો અને બ્રાહ્મણો દ્વારા શાસ્ત્રોક્ત વિધિ મુજબ યજ્ઞોપવિત (જનોઈ) સંસ્કાર અપાવવામાં આવ્યો હતો. સમગ્ર વાતાવરણ ધાર્મિક ભાવના, સંસ્કાર અને આધ્યાત્મિક ઊર્જાથી ઓતપ્રોત બન્યું હતું. કાર્યક્રમમાં સમાજના આગેવાનો, વડીલો, યુવાનો તેમજ બહોળી સંખ્યામાં મહિલાઓએ ઉત્સાહભેર હાજરી આપી હતી. આશરે ૧૨૦૦ થી પણ વધુ જ્ઞાતિજનો તેમજ આમંત્રિત મહેમાનો ઉપસ્થિત રહી બટુકોને આશીર્વાદ પાઠવ્યા હતા અને કાર્યક્રમની ભવ્યતા વધારી હતી. મંડળની વાર્ષિક મિટિંગ દરમિયાન સમાજના વિકાસલક્ષી કાર્યો, આવનારી યોજનાઓ તેમજ સમાજહિતના વિવિધ મુદ્દાઓ પર ચર્ચા કરવામાં આવી હતી. સમાજમાં શિક્ષણ, એકતા, સહકાર અને સાંસ્કૃતિક મૂલ્યો વધુ મજબૂત બને તેવા સંકલ્પો સાથે મિટિંગ સફળતાપૂર્વક પૂર્ણ થઈ હતી. સમગ્ર કાર્યક્રમનું સુંદર આયોજન, શિસ્તબદ્ધ વ્યવસ્થા તથા સૌના સહકારથી કાર્યક્રમ અત્યંત સફળ રહ્યો હતો. અંતમાં મંડળના હોદ્દેદારો દ્વારા કાર્યક્રમને સફળ બનાવવા બદલ તમામ દાતાશ્રીઓ, આગેવાનો, મહેમાનો, સ્વયંસેવકો તથા ઉપસ્થિત જ્ઞાતિજનોનો આભાર વ્યક્ત કરવામાં આવ્યો હતો.